Kirish imtihonlarida eng yuqori ball to‘plagan 200 nafar talabaga prezident granti beriladi, deya xabar berdi
Ta’lim nazorati.
Prezidentning PQ-5172–sonli qarori bilan kunduzgi ta’lim shakli imtihonlarida eng yuqori ball to‘plagan 200 nafar talaba prezident grantini oladi.
Imtihonlarda to‘plash mumkin bo‘lgan maksimal ball – 189 ball.
“Agar talaba kontraktga qabul qilingan bo‘lsa ham, prezident grantiga loyiq ko‘rilsa, grant asosida o‘qiydi”, deyiladi xabarda.
Prezident granti stipendiyasi talabaga 1-kursdan oyma-oy to‘lanadi. Lekin agar talaba birorta fanini "a’lo" bahoga yopolmasa ham, keyingi semestrda prezident granti stipendiyasini emas, oddiy stipendiya oladi.
Keyingi semestrni "a’lo" bahoga yopsa, talaba yana grant stipendiyasini olishda davom etadi. Bu stipendiya miqdori prezident stipendiyasi bilan bir xil.
O‘qishni tugatguncha grant stipendiyasini uzluksiz olgan talabalar o‘z sohasi bo‘yicha magistraturaga grant asosida imtihonsiz qabul qilinadi.
31°
Kechasi 18°
