Bugun, 6-iyun kuni futbol bo‘yicha 2026-yilgi Jahon chempionati saralashi doirasida O‘zbekiston milliy terma jamoasi o‘z uyida Turkmaniston bilan bahs olib boradi.

“E” guruhi 5-turi doirasida o‘tkaziladigan o‘yinga Toshkent shahridagi “Bunyodkor” stadioni mezbonlik qiladi. Agar uchrashuvda “oq bo‘rilar” g‘alaba qozonsa, ochkolar sonini 13 taga yetkazib oladi. Mehmonlar esa g‘alaba orqali ochkolarini 4 taga yetkazib olishi mumkin.

Hozirda“E” guruhida Eron va O‘zbekiston bir xil 10 ochkodan jamg‘arib yetakchilik qilmoqda. Turkmaniston va Gongkong hisobida 1 ochkodan mavjud.

Guruhdagi ikkinchi o‘yinda Gonkong-Eron bilan kuch sinashadi. Mazkur bahs Toshkent vaqti bilan 17:00 da start olsa, O‘zbekiston-Turkmaniston uchrashuvi 19:30 da boshlanadi.

• Bunyodkor
• Futbol
• Jahon chempionati
• Sport
• Terma jamoa
• Turkmaniston