Bugun, 14-fevral oqshomida, Chempionlar ligasi 2022/23-yilgi mavsum 1/8 final bosqichi bahslari boshlanadi. Mazkur bosqich doirasida futbol ishqibozlarini bir biridan qiziqarli uchrashuvlar kutib turibdi.

Jumladan bugun Parijda PSJ va Bavariya oʻzaro toʻqnash kelsa, Milan shahrida “Tottenhem” “Milan” mehmoni boʻladi. Bellashuvlar, Sport TV hamda Yoshlar TV orqali Toshkent vaqti bilan 00:50 dan boshlab start oladi.

Parijdagi markaziy uchrashuv oldidan, PSJning asosiy futbolchilari Messi va Mbappening jarohat sabab ushbu uchrashuvni oʻtkazib yuborishi haqida xabarlar tarqalgan edi.

Biroq Parij klubining mazkur bahs uchun eʼlon qilgan qaydnomasidan ikki yetakchi oʻrin olgan.

Ertaga yaʼni chorshanba oqshomida esa Belgiya klubi “Bryugge” Portugaliyada “Benfika” bilan roʻbaroʻ kelsa, London jamoasi “Chelsi” Germaniyaada “Borussiya Dortmund” bilan oʻynaydi.

• Bavariya
• Futbol
• PSJ
• YeChL