Yevropa top 5 chempionatlari bugungi o‘yinlar anonsi bilan tanishing.

Yakunlanib borayotgan haftada Yevropa top 5 chempionatlaridan La liga va A Seriada yangi mavsum start olsa, APL, Bundesliga va Liga 1da esa 2-tur bahslari davom ettiriladi.

Dastlab start olayotgan La ligaga to‘xtalib o‘tamiz, bugun, Ispaniya chempionati 1-tur doirasida ilk o‘yinda “Selta” o‘z uyida “Espanyol”ni qabul qiladi. Uchrashuv Toshkent vaqti bilan 20:00 da boshlanadi. Shuningdek, bu mavsum debyutanti “Valyadolid” o‘z maydonida “Vilyareal” bilan kuch sinashadi. To‘qnashuv 22:00da start oladi.

“Barselona” esa, o‘z maydonida “Rayo Valyekano”ni mehmon qiladi. Bahs Toshkent vaqti bilan 00:00da boshlanadi.

Endi esa Apennin yarim oroliga e’tiboringizni tortamiz. A Seria yangi mavsum ilk turining dastlabki o‘yinida amaldagi chempion “Milan” “Sansiro”da “Udineze” sinovdan o‘tkazadi. “Inter” va “Atalanta” ilk turni mehmonda o‘tkazishadi.

Shuningdek, bugun APL 2-turi “Aston Villa”- “Everton”, “Arsena”-“Lester”, “Brayton”-“Nyukasl”, “Manchester Siti”-“Bornmut”, “Sautgempton”-“Lids”, “Vulverxempton”-“Fulxem”, “Brentford”-“Manchester Yunayted” o‘yinlari bilan boshlanadi.

Germaniya Bundesligasi 2-turida esa “Bayer”-“Augsburg”, “Gerta”- “Ayntraxt”, “Leypsig”-“Kyoln”, “Verder”-“Shtutgart”, “Xoffenxaym”-“Boxum”, “Shalke-04”-“Borussiya M” klublari o‘zaro o‘ynashadi.

Fransiya birinchiligi 2-turida esa, “Monako”-“Renn”ga, PSJ esa “Monpelye”ga qarshi o‘z maydonida o‘ynaydi.

Mazkur o‘yinlar natijalarini birinchilardan bo‘lib Xabardor.uz dan bilib olasiz.

• A Seriya
• APL
• Bundesliga
• Futbol
• La Liga
• Liga 1