Ijtimoiy tarmoqlarda “Bunyodkor” futbol klubi xodimlariga 2 oylik maoshlarini bermayotgani haqida xabarlar tarqaldi.

Toshkent shahar Davlat mehnat inspeksiyasi tomonidan olib borilgan o‘rganishlarda ma’lum bo‘lishicha, ayni vaqtda klub tomonidan jami 393 nafar xodimga nisbatan oktyabr oyi uchun 1 mlrd. 532 mln 216 ming so‘m miqdoridagi oylik ish haqlari to’lab berilishi kechiktirilgan.

Shuningdek, inpeksiya hozirda klub homiysi “O‘zbekneftgaz” AJ tomonidan mablag‘ ajratilayotgani va xodimlarga ushbu to‘lovlarni to‘lab berish ishlari boshlanayotganini ma’lum qilgan.

Bundan tashqari, “Bunyodkor” futbol klubi bosh direktori U.Mirzayev nomiga xodimlarga oylik ish haqi bo‘yicha yuzaga kelgan qarzdorlikni bartaraf qilish hamda keyinchalik oylik ish haqlarini o‘z muddatida to‘lash bo‘yicha Davlat mehnat inspeksiyasi tomonidan yozma ko‘rsatma kiritilgan.

• Bunyodkor
• Futbol