Buxoroda haydovchilik guvohnomasi olib berish uchun ta’magirlik qilgan shaxs qo‘lga olindi. Bu haqda Buxoro viloyati IIB xabar bermoqda.

IIV Shaxsiy xavfsizlik bosh boshqarmasi Buxoro viloyati bo‘yicha bo‘limi xodimlari va boshqa huquqni muhofaza qiluvchi organlar xodimlari hamkorligida o‘tkazilgan navbatdagi tezkor tadbirda, Kogon tumani B.Naqshband mahallasida yashovchi, 1987-yilda tug‘ilgan R.R. ismli shaxs o‘zga bir fuqaroni aldab, unga vakolatli tanishlari orqali haydovchilik guvohnomasi olib berishni va’da qilib, evaziga 650.000 so‘m pora berishga dalolat qilib, kimyoviy ishlov berilgan pullarni olayotgan vaqtda ashyoviy dalillar bilan qo‘lga olingan.

Mazkur holat yuzasidan O‘zbekiston respublikasi JK.ning 168-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.

• Buxoro
• Jinoyat