Buxoroda fuqarolarga soxta pasport tayyorlab berishni va’da qilgan firibgar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish Departamentning matbuot xizmati xabar berdi.

Qayd etilishicha, Bosh prokuratura huzuridagi Departamentning Buxoro tuman bo‘limi tomonidan tezkor tadbir o‘tkazilgan. Ushbu tadbir davomida, fuqaro X.U. 2 nafar fuqaroning ishonchiga kirib, ularga chet elga chiqish uchun taqiq qo‘yilgan bo‘lsada, tanishlari yordamida 3 600 AQSh dollari evaziga qo‘shni Qirg‘iziston Respublikasi fuqarosi sifatida soxta pasport tayyorlab, O‘zbekiston Respublikasi chegara postidan o‘tkazib qo‘yishga kelishib olgani aniqlangan.

Shundan so‘ng, oldindan 2 000 AQSh dollarini olgan olgan vaqtida huquq tartibod organi xodimlari tomonidan ashyoviy dalillar bilan qo‘lga olingan.

Xabarga ko‘ra, mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.

• Buxoro
• Jinoyat
• Pasport