Buyuk Britaniyaning “The Times” nashri mamlakat qiroli Charlz III ning qancha boylikka egalik qilishini hisoblab chiqdi. Ma’lum bo‘lishicha, amaldagi qirolning boyligi 1990-yillarning o‘rtalarida sobiq rafiqasi malika Diana bilan ajrashganidan keyin 600 million funt sterling (745 million dollar)gacha oshgan. Bu qirolning marhum onasi, qirolicha Yelizaveta II dan ikki karra badavlatroq ekanligini anglatadi.

Qirolning malika Diana bilan ajrimi unga 17 million funt sterling (21 million AQSh dollari)ga tushgan. Charlz III shundan keyin moliyaviy holatini asta-sekin o‘nglab olgan.

Charlz III boyligining bir qismini ajdodlaridan meros qilib olgan bo‘lsa, yana bir qismini Kornoull gersogligini muvaffaqiyatli boshqarish hisobiga qo‘lga kiritgan.

• Buyuk Britaniya
• Jahon
• mashhurlar
• qirol
• qiziqarli