2021-yil 27-noyabr kuni soat 17:30 lar atrofida Qoraqalpog‘iston Respublikasi Amudaryo tumani FVV bo‘limiga quyi Amudaryo Davlat biosfera rezervati o‘rmonzorida yong‘in sodir bo‘layotgani to‘g‘risida xabar kelib tushgan. Holat yuzasidan, yong‘in-qutqaruv ekipajlari soat 19:10 da yong‘inni o‘chirish ishlariga kirishgan. 

Qayd etilishicha, tuman yong‘in-qutqaruv qismidan yong‘in sodir bo‘lgan joygacha masofa taxminan 47 km. ni tashkil etadi. 
Xabarda aytilishicha, 28-noyabr kuni soat 05:15 da yong‘in qurshab olinib, 3 soat ichida o‘chirilgan.

Shuningdek, yong‘in sodir bo‘lgan joyda qayta yong‘in o‘choqlari paydo bo‘lishining oldini olish maqsadida, voqea joyiga qator qutqaruv ekipajlari, yordamchi texnikalar, atrof-muhitni muhofaza qilish qo‘mitasidan xodimlar jalb etilgan.

Kutilmaganda 29-noyabr kuni soat 10:25 lar atrofida yong‘in qoldiqlari qayta alanga olgan va 30-noyabr kuni ertalabki soat 03:30 da o‘chirishga erishilgan.

Favqulodda vaziyatlar vazirligining xabar berishicha, yong‘indan jabrlangan va halok bo‘lganlar qayd etilmagan va hozirda keltirilgan zarar miqdori aniqlanmoqda.
https://t.me/MCHSUzbek/7133

• Qoraqalpog‘iston
• yong‘in