Buyuk Britaniya hududidan beshta mamont qoldigʻi topildi. Maʼlum boʻlishicha, ular Soʻnggi muz davrida Angliyaning shimoli-gʻarbiy qismidagi Suindon shahri hududida halok boʻlgan.
Arxeologlar mamont suyaklari yonidan neandertal odamlar tomonidan yasalgan tosh qurollarni ham topishgan. Mutaxassislar endilikda mamont suyaklarida ularning izlari bor yoki yoʻq ekanligini aniqlash uchun bir nechta tadqiqotlar oʻtkazishlari kerak.
Olimlarning aytishlaricha, mamont suyaklarini topishning oʻzi katta yutuq, ammo ularning bunchalar qadimiy suyaklarini yaxshi saqlanib qolgan holatda va tosh qurollar bilan bir joydan topish – kamdan kam uchraydigan noyob holatdir.
Topilmalar haqida qazishma ishlarini xush koʻruvchi ikki nafar havaskor maʼlum qilgan. Shundan keyin arxeologlar hududda qazishma ishlarini boshlaganlar.
Tadqiqotchilar ushbu hududni Britaniyada neandertal odamlar yashagan davrlar bilan bogʻlashadi. Keyinchalik havo haroratining keskin tushib ketishi oqibatida neandertal odamlar janub tomonga qarab harakatlanishgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!