2011-yil 11-mart kuni Yaponiyaning Xonsyu shimoli-sharqiy sohilida 9,1 magnitudali zilzila yuz berdi. Zilzila natijasida yuzaga kelgan sunami qirg‘oqqa 30 daqiqa ichida yetib keldi va dengiz devorlarini bosib o‘tdi hamda bir necha kun ichida uchta yadro reaktorini ishdan chiqardi.

2011-yilgi Toxoku zilzilasi va sunami hodisasi, ko‘pincha Buyuk Sharqiy Yaponiya zilzilasi deb ham ataladi. 18 000 dan ortiq odamning o‘limiga olib keldi, shu jumladan bir necha ming kishi jarohat olgan. Zilzila oqibatida Ivate prefekturasida maksimal toʻlqin balandligi deyarli 40 metr boʻlgan toshqinni keltirib chiqardi.

Tabiiy falokat 18 000 nafar odamning o‘limiga, 2 527 nafar insonni bedarak yo‘qolishiga, hamda 6 157 ta jiddiy jarohatga olib keldi.

Yaponiyada hodisa oqibatida 123 000 dan ortiq uy vayron bo‘ldi va deyarli bir million zarar yetdi. Zararning 98 foizi sunami bilan bog‘liq. Birgina Yaponiyadagi zilzila va sunami natijasida kelib chiqqan xarajatlar 220 milliard dollarga baholangan.

• Yaponiya
• Zilzila