Ijtimoiy tarmoqda “Bu nimasi endi? 120 metr masofada 20 ta belgi o‘rnatishibdi” sarlavhasi ostida videolavha tarqaldi.

IIV YHXBB Matbuot xizmati mazkur holat yuzasidan rasmiy ma’lumot berdi.

Ijtimoiy tarmoqda tarqalgan videolavha Chinoz tumanidagi ichki yo‘llarning birida olingan bo‘lib, unda 5.16.1, 5.16.2. – “Piyodalar o‘tish joyi” belgilari juda qisqa masofalarda, belgilanmagan joylarga, noto‘g‘ri o‘rnatilganligi aks etgan.

Boshqarmaning ma’lum qilishicha, mazkur yo‘l qurilishi davomida belgilarni o‘rnatish ishlari Toshkent viloyati IIBB YHXB mas’ullari bilan kelishilmagan. Buning natijasida esa belgilar noto‘g‘ri o‘rnatilgan. “Ushbu xatolik bartaraf etilib, amaldagi tartibga ko‘ra yo‘lni belgi va chiziqlar bilan jihozlash ishlari amalga oshirilmoqda”, – deyiladi rasmiy ma’lumotda. 

• Toshkent
• YHXBB