Toshkent viloyati hokimi Zoir Mirzayevning ta’kidlashicha, charm bilan ishlaydigan 50 dan ortiq va 35 dan ziyod to‘qimachilikka ixtisoslashgan korxona Toshkent shahri ekologiyasiga katta zarar yetkazmoqda. Hokim ana shu korxonalarni chekkaroq hududlarga ko‘chirish xususida to‘xtalib o‘tdi.

“Ohangaron tumanida bir necha yildan beri yechimini topmagan muammo bor edi. Ya’ni 15 gektar ega u yer charm klasteriga ajratilgan. Kommunikatsiyaga mablag‘ bo‘lmaganligi sabab ishga tushmagan edi.

Prezident qarori bilan u yerga yana 20 gektar yer qo‘shib berildi. Endi umumiy 35 gektar yerga Toshkent shahridan 50 dan ziyod terini qayta ishlovchi korxonalar ko‘chirilmoqda. Yangilik bo‘lmoqdaki, Toshkent shahri hokimiyati uchun 168 gektar yer maydonini Angren shahridan yoki Ohangaron suv omborining atrofidan ajratib berdik.

Ular Turkiyaning kompaniyasi bilan loyiha qilgan holda o‘sha joyda eng kamida 700 ish o‘rni ta’minlanadigan va o‘z ichiga mehmonxona, kapsula uylari qurilib, kamida 600 nafar turistni qabul qiladigan maskanga aylantiradi. Eng asosiysi, bu yerda shaharning ekologik zonasi tashkil bo‘ladi.

Xuddi shu tajribani Parkent va Bo‘stonliqda qo‘llash bo‘yicha ham takliflar kelmoqda” - dedi Zoir Mirzayev.

• Davlat ekologiya qo'mitasi
• Ekologiya
• Zoir Mirzayev
• korxona