Ma'lum bo‘lishicha, 2023-yil 9-iyul kuni soat 9:20 larda Qoraqalpog‘istonning Amudaryo tumanida tug‘ilib, Chirchiq shahrida ota-onasi va singlisi bilan birga yashab kelayotgan 27 yoshli yigit uyning 8-qavatidan o‘zini tashlab yuborib, halok bo‘ldi.

Bosh prokuratura matbuot xizmati xabariga ko‘ra, marhum D.R. besh yil davomida oila a’zolari bilan birgalikda Rossiyada ishlab, joriy yilning may oyi boshida O‘zbekistonga qaytib kelgan. Shu kungacha, Bo‘stonliq tumanida oilasiga tegishli bo‘lgan dala hovlida qurilish ishlari bilan band bo‘lgan.

Marhumning otasining so‘zlariga ko‘ra, joriy yilning mart oylaridan boshlab D.R.ning ruhiy holati buzilishi kuzatilgan. Mazkur holat yuzasidan shahar prokuraturasi tomonidan tergovga qadar tekshiruv harakatlari olib borilmoqda.

• Bosh prokuratura
• Chirchiq
• Qoraqalpog‘iston