PSJ Kilian Mbappega 300 million yevro bonus va soliq toʻlanganidan keyin 100 million yevro maosh taklif qilmoqda.

Eurosport España xabariga koʻra, parijliklar 23 yoshli futbolchiga shartnomani uzaytirish uchun 300 million yevro bonus taklif qilishgan.

Shuningdek, yangi kelishuv shartlariga koʻra, fransiyalik futbolchiga soliqlar toʻlanganidan keyin yiliga 100 million yevro maosh taklif qilinmoqda.

Bundan tashqari, Kilian imij huquqlarining koʻp qismini tasarruf etishi mumkin boʻladi.

Qayd etilishicha, hozirda “Real”da Mbappening transferi deyarli imkonsiz deb baholanmoqda. Shu bilan birga, futbolchining onasi avvalroq “Real Madrid” va PSJ takliflari oʻrtasida “katta farq” yoʻqligini aytgan edi.

Eslatib oʻtamiz, avvalroq Kilian Mbappe yakshanba kuni eʼlon qiladigan bayonot formati maʼlum boʻlgan edi.

• Futbol
• Transferlar
• Xorij