Xorazm viloyati Gurlan tumanida yashovchi fuqaro Gʻ.Davletov Urganch shahrida joylashgan “Oriyent Avto Lizing” MCHJ bilan 2020-yil 15-oktabr kuni Davletov Farhod nomiga Damas rusumli mashinaga 28 mln 87,3 ming so‘m to‘lov qilib shartnoma imzolagan. Biroq ushbu mashina shartnoma muddati o‘tganidan keyin xam kelmaganidan norozi bo‘lgan fuqaro pulini qaytarib berishlarini so‘rab ariza bilan murojaat qilganida ham puli qaytarib berilmagan.  

O‘zbekiston Iste’molchilar huquqlarini himoya qilish jamiyatlari Federatsiyasi matbuot xizmatining Xabardor.uz’ga ma’lum qilishicha, holatga oydinlik kiritish maqsadida Federatsiyaning Urganch shahar jamiyati “Oriyent Avto Lizing” MChJ xodimlari va iste’molchi bilan birgalikda o‘rganish ishlari olib borilgan.

O‘rganish natijasiga ko‘ra, 28 mln 87,3 ming so‘m pul mablag‘ iste’molchiga olib berilishiga erishilgan.

Shuningdek, Buxoro viloyati Buxoro shahrida yashovchi fuqaro D.Z tomonidan Buxoro shaharidagi “Texnomir” maishiy texnika do‘konidan 7,8 mln so‘mga konditsioner xarid qilingani, ammo oradan bir hafta o‘tar o‘tmas turli nosozliklar yuzaga kelgan, bu borada tadbirkorga bir necha bor murojaat qilgan bo‘lsada, hech qanday o‘zgarish bo‘lmaganini aytib o‘tgan.

Mazkur murojaat o‘rganilishi natijasida, nosoz konditsioner tadbirkor tomonidan ta’mirlab berilishiga erishilgan.

• qiziqarli