“Barselona” va Braziliya terma jamoasining sobiq himoyachisi Dani Alveshni zo‘rlash va ta’qib qilish bo‘yicha ayblovlarni tan oldi. Jabrlangan qiz esa uni qonun bo‘yicha jazolanishini talab qilmoqda.

Ma’lum qilinishicha, sudya jabrlanuvchiga ayblov hukmi chiqarilgan taqdirda yetkazilgan tan jarohati va ma’naviy zarar uchun moddiy kompensasiya olish huquqiga ega ekanligini eslatgan, biroq qiz bu huquqdan voz kechgan. Shu bilan birga, jabrlanuvchi izchil ko‘rsatma berdi, Alvesh esa sarosimaga tushib, uch marta ko‘rsatmasini o‘zgartirgan.

Oldinroq Alvesh 4 yildan 12 yilgacha muddatga ozodlikdan mahrum etilishi mumkinligi xabar qilingandi.

Ispaniya qonunlariga ko‘ra, jinsiy zo‘ravonlik 4 yildan 12 yilgacha qamoq bilan jazolanadi. Dani Alvesh garov pulisiz hibsga olindi va Meksikaning “Pumas” klubi futbolchi bilan amaldagi shartnomasini bekor qildi.

Avvalroq qizlardan biri Dani Alvesni ichki kiyimi ostiga qo‘lini qo‘yganlikda ayblagan edi. Taxmin qilingan voqea 30 dekabr kuni tungi klublardan birida sodir bo‘lgan.

Dastlab Alvesh voqealarning bunday rivojlanishini rad etgandi. Biroq keyinchalik aybiga iqror bo‘ldi. Uning rafiqasi, shuningdek, Danining atrofidagilar tungi klubda juda oz vaqt bo‘lganini aytib, uni himoya qilgan edi.

• Braziliya
• Futbol
• Meksika