Yengil vazn toifasida sobiq UFC chempioni Charlz Oliveyraning murabbiyi Abu-Dabidagi UFC 281 turnirida Xabib Nurmagomedovning Islam Maxachevga qarshi chempionlik jangini tashkil etish talabiga izoh berdi.

“Aslida hamma narsa bo‘lishi mumkin. Biz UFC uchun ishlaymiz. Lekin men, Charlzning bosh murabbiyi sifatida, imkon qadar uning faoliyati haqida qayg‘uradigan insonman.

Hayronman nega Braziliya emas? Charlz chempion va u har kuni tarix yozadi. Xo‘sh, nega Xabib Abu-Dabida Maxachevga qarshi jang haqida gapiryapti? Biz Charlzning Braziliyada jang qilishini istaymiz. Shunday ekan, keling va biz bilan Braziliyada jang qiling!” - dedi Lima.

Ma’lumot o‘rnida, bir hafta oldin Oliveyra birinchi raundda bo‘g‘ish orqali mag‘lub etgan Jastin Getji bilan jangi oldidan vazn tashlashda muvaffaqiyatsizlikka uchragach, UFC chempionlik kamaridan mahrum bo‘lgan edi.

• Habib Nurmagomedov
• Islam Maxachev
• Oliveyra
• UFC