Bugun, 20-may kuni “Dinamo” PFK qarorgohida klub rahbariyati hamda jamoa ishtirokida yigʻilish oʻtkazilgan. Bu haqda klub matbuot xizmati xabar bergan.

Qayd etilishicha, unda jamoaning soʻnggi turlarda qayd etgan qoniqarsiz natijalari atroflicha muhokama qilinib, klub bosh murabbiyi Predrag Rogan bilan doʻstona xayrlashilgani maʼlum qilingan.

Serbiyalik mutaxassis bilan birga uning yordamchisi Ivan Yevich bilan ham hamkorlik toʻxtatilgan. “Dinamo” PFK hamda murabbiylar oʻrtasidagi shartnoma ikki tomonlama bekor qilingan.

“Dinamo” jamoasi Predrag Rogan va Ivan Yevichga klubdagi faoliyati hamda hamkorlik uchun minnatdorchilik bildirib, ularning keyingi faoliyatiga omad va zafarlar tilab qoladi”, — deyiladi xabarda.

Oʻz navbatida, klub rahbariyati qaroriga koʻra, “Dinamo” jamoasi bosh murabbiyi etib shu paytga qadar klub sport direktori lavozimida faoliyat yuritgan Andrey Shipilov tayinlangan.

Andrey Sergeyevich “Paxtakor” murabbiylar shtabi va “Metallurg” klubi bosh murabbiyi sifatidagi faoliyati bilan muxlislarga tanilgan.

Ma’lumot uchun, Samarqand klubi o‘tkazilgan to‘qqizta to‘rdan so‘ng, 6 ochko jamg‘argan holda turnir jadvalining so‘nggi pog‘onasida bormoqda.

• Futbol
• O‘zbekiston
• Superliga