Uchuvchilar yonilg‘i baki va turbina bilan jihozlangan reaktiv paketli kostyumlarda suvdan 700 metr balandlikda uchishdi. Yana 4 turbina yaxshi manevr qilish uchun qo‘llarga biriktiriladi.

Qurilmaning og‘irligi 27 kg, quvvati 2050 ot kuchiga ega va 128 km/soat tezlikka erisha oladi. Poygachilar uchun liboslar poyga tashkilotchilaridan biri Gravity Industries tomonidan ishlab chiqilgan.

Kompaniya asoschisi va bosh sinovchi uchuvchisi Richard Brauning bu holatni: “Boshingiz sizni qayerga boshlasa, o‘sha yerga uchasiz. Biz buni faqatgina kompyuter o‘yinlarida sinab ko‘rgandik. Xuddi tushdek. Ushbu qurilmani yanada takomillashtirish choralarini ko‘rmoqdamiz”, deb ta’riflagan.

Poyga g‘oliblari britaniyalik uchuvchilar Issa Kalvon, Pol Jons va Freddi Xey bo‘lishdi.

• qiziqarli