Dubaydagi qiyin vaziyatga tushib qolgan O‘zbekiston fuqarosiga huquqiy yordam ko‘rsatildi. Bu haqda Dunyo axborot agentligi xabar berdi.

1996-yilda Dubayga mavsumiy ish uchun kelgan fuqaro N. J. firibgarlarning qurboni bo‘lib, qonuniy sanksiyalarga duch keldi. Natijada u mamlakatni tark eta olmadi, shuningdek, ishsiz va yashash uchun mablag‘siz qoldi.

O‘zbekistonning Dubaydagi Bosh konsulligi xodimlari fuqaroni vaqtinchalik uy-joy, oziq-ovqat va boshqa zarur narsalar bilan ta’minlab, konsullik-huquqiy yordam ko‘rsatib, O‘zbekistonga qaytarishga ko‘maklashdilar.

Diplomatlar tomonidan Birlashgan Arab Amirliklarining huquqni muhofaza qilish va tegishli organlari bilan o‘tkazilgan muzokaralar natijasida fuqaro N. J. ning 901600 dirham (247 ming 13 AQSh dollari) miqdoridagi qarzining umumiy miqdorini hisobdan chiqarish va yuzaga kelgan barcha muammolarni bartaraf etishga erishildi.

Joriy yilning fevral oyida Bosh konsullik rahbarligida Amirliklarda ro‘yxatdan o‘tgan “ayollar va bolalarga yordam markazi” xayriya tashkiloti orqali fuqaro N. J. Dubay – Toshkent yo‘nalishi bo‘yicha O‘zbekistonga qaytib keldi.

• BAA
• O‘zbekiston
• Sanksiya