Birlashgan Arab Amirliklari shaharlarida kuchli yomg‘ir yog‘moqda. Mamlakat rasmiylari maktablar va davlat muassasalarini onlayn tarzda o‘qish va ishlashga yubordi. Bu haqda “Euronews” xabar berdi.

Qayd etilishicha, dushanba kuni tinimsiz yog‘ingarchilik tufayli Dubay va Abu-Dabining ayrim hududlarida suv toshqini va tirbandlik yuzaga kelgan.

Mamlakatda ob-havo xavfining to‘q sariq darajasi e’lon qilindi.

BAA Milliy meteorologiya markazi mamlakatning bir necha shaharlari uchun ogohlantirish e’lon qildi. Bunga seshanba kuni tushgacha amal qilinadi.

Dubay politsiyasi yomon ob-havo haqida ogohlantiruvchi SMS-xabarlar yuborgan va aholini Fors ko‘rfazi sohilidan uzoqroq turishga va avtomobil haydashda hushyor bo‘lishga chaqirgan.

• BAA
• Suv toshqini
• yomg‘ir