“Zang” filmining suratga olish ishlari vaqtida aktyor Alek Bolduin va operator Galina Xatchins bilan roʻy bergan fojia Amerika shou-biznesida chuqur iz qoldirdi.

Gollivudning taniqli aktyori Dueyn Jonson endilikda hech qachon suratga olish ishlarida haqiqiy oʻt ochuvchi quroldan foydalanmaslik qaroriga kelganini maʼlum qildi.

“Men “Seven Bucks Productions” kinokompaniyasi nomidan gapira olaman, biz bundan keyin hech qachon televizion shou yoki filmlarni suratga olishda haqiqiy quroldan foydalanmaymiz”, dedi Jonson.

Aktyor bundan keyin uning ishtirokidagi filmlarni suratga olishda rezina pistoletlardan foydalanishlarini maʼlum qilgan.

Eslatib oʻtamiz, joriy yilning 21-oktyabr kuni “Zang” filmini suratga olish jarayonida amerikalik aktyor Alek Bolduin operatorni tasodifan otib qoʻygandi.

• Kino