Amerikalik tadbirkor Ilon Mask dunyoning eng boy odamlari ro‘yxatidagi birinchi o‘rinni LVMH (Moet Hennessy Louis Vuitton) egasi, fransiyalik Bernard Arnoga boy berdi. Bu haqda “Forbes”ning yangilangan reytingida ma’lum qilindi.

Jurnal ma’lumotlariga ko‘ra, Bernard Arno 185,4 milliard dollarlik shaxsiy boyligi bilan eng boy odam unvonini qo‘lga kiritdi.

Qatar mamlakatida o‘tkazilayotgan futbol bo‘yicha Jahon chempionati oldidan “Louis Vuitton” Krishtianu Ronaldu va Lionel Messini bitta mahsulot reklamasiga taklif etgan edi.

2021 yil sentyabridan buyon dunyoning eng boy odamlari ro‘yxatida birinchi o‘rinni egallab turgan Maskning boyligi 185,3 milliard dollarni tashkil qilmoqda.

Nashrning yozishicha, “Tesla” aksiyalari taxminan 4 foizga arzonlashgan.

Eslatib o‘tamiz, avvalroq Mask yomon kayfiyat “Tesla” xodimlarini qisqartirishga qaror qilib, bir kunda 16,9 milliard dollar yo‘qotgani haqida xayuarlar tarqalgan edi.

Bundan tashqari, kompaniya dasturiy ta’minotdagi muammolar tufayli 26 mingdan ortiq avtomobilni chaqirib olgan.

Shuningdek, “Twitter”ni sotib olganidan so‘ng, Ilon Maskning boyligi 70 mlrd. Dollardan ziyodroqqa kamaygan edi.

Bernard Arno fransuz mahsulotlarini ishlab LVMH brendi egasi va asoschisi. Kompaniya “Louis Vuitton”, “Givenchy”, “Guerlain”, “Kenzo”, “Moet & Chandon”, “Hennessy” savdo belgilari ostida qimmatbaho mahsulotlar ishlab chiqaradi. Bosh qarorgohi Parijda joylashgan.

• Bernard Arno
• Boylik
• Ilon_Mask