Hafta oxirida UFC muxlislarini promoushenning yana bir raqamli turniri kutib turibdi.

Ushbu turnirda Habibning jiyani Umar Nurmagomedov AQSh vakili Brayan Kelleherga qarshi jang qiladi. Avvalroq Brayanning raqibi o‘zbekistonlik UFC jangchisi Saidyoqub Qahramonov edi. Ammo, Saidyoqub turnirga oz vaqt qolganda jarohat olgan va uning o‘rniga Umar Nurmagomedov jang qiladigan bo‘ldi. 

Kechaning "ko meyn vent"i yengil vazn toifasi vakillari braziliyalik Rafael dos Anyos va qirg‘izistonlik Rafael Fiziyev oktagonda kuch sinashishi kerak edi, ammo, jang boshlanishiga to'rt kun qolganda qirg‘iz sportchisida Covid-19 aniqlandi va turnirda ishtirok eta olmaydigan bo‘ldi.

Ma'lumot o‘rnida, ushbu bahs qatorasiga ikkinchi marta o‘tkazilmaydigan bo‘ldi. Jang qoldiriladimi yoki Dos Anyosga boshqa raqib beriladimi hali bu aniq emas. Taxminlarga ko‘ra, braziliyalik jangchiga Islam Maxachev raqib bo‘lishi mumkin.

Markaziy bahs yarimo‘rta vazn toifasi vakillari, sobiq do‘stlar ammo hozirgi kunda ashaddiy dushmanga aylangan Kolbi Kovington va Xorxe Masvidal o‘rtasida kechadi. 

Eslatib o‘tamiz, UFC272 turniri Toshkent vaqti bilan yakshanba tongida bo‘lib o‘tadi.

• Sport
• UFC