Qatar poytaxti Doha shahrida UFC Fight Night 265 musobaqasi yakunlandi.

Musobaqaning markaziy jangida Armaniston vakili, yengil vazn toifasi reytingida birinchi o‘rinni egallab turgan Arman Sarukyan oltinchi pog‘onadagi yangi zelandiyalik Den Huker bilan bahs olib bordi.

5 raunddan iborat jang ikkinchi besh daqiqalikda muddatidan oldin yakunlandi. Arman raqibini bo‘g‘ish usuli orqali yengdi.

Bu Sarukyan uchun ketma-ket beshinchi g‘alabaga aylandi.

Shuningdek, kechaning ikkinchi asosiy bahsida yarim o‘rta vazn toifasining amerikalik sobiq chempioni Bilol Muhammad Irlandiya vakili Ian Gerri Machado bilan to‘qnash keldi.

3 raundlik bahs to‘liq davom etdi. Jang yakunida hakamlar bir ovozdan Machadoning g‘alabasini e’tirof etishdi.

Bilol shu tariqa, ketma-ket ikkinchi jangida mag‘lubiyatga uchradi. Ien esa o‘n yettinchi g‘alabasini nishonladi.

Quyida UFC Fight Night 265 musobaqasi asosiy kardning barcha natijalari bilan tanishishingiz mumkin:

Yengil vazn: Arman Sarukyan – Den Huker, (2-raundda bo‘g‘ish usuli orqali);

Yarim o‘rta vazn: Belal Muhammad – Ien Machado Gerri, (Ochkolar hisobiga ko‘ra) ;

Yarim og‘ir vazn: Volkan Ozdemir – Alonzo Mensfild, (1-raundda KO-TKO) ;

Yarim o‘rta vazn: Jek Xermansson – Miktibek Orolbay, (1-raundda KO-TKO) ;

Og‘ir vazn: Valdo Kortes-Akosta – Shamil Gaziyev, (1-raundda KO-TKO); 

O‘ta yengil vazn: Tagir Ulanbekov – Kiodji Xoriguchi, (3-raundda bo‘g‘ish usuli).  

• Qatar
• UFC