Davlat xavfsizlik xizmati Toshkent viloyatida yashirin narkolaboratoriya borligini fosh qildi

Qayd etilishicha, Toshkent viloyatining Yuqori Chirchiq tumanida 2 nafar fuqaro dala hovlisida yashirin narkolaboratoriya tashkil etib, “Mefedron” sintetik-narkotik moddasini tayyorlab, sotish bilan shug‘ullanishgan.

Voqea joyida 1 kg. 12 gr. “Mefedron” sintetik giyohvandlik vositasi, kimyoviy suyuqliklar va boshqa zarur uskunalar borligi aniqlangan.

Shuningdek, bu shaxslarning biriga tegishli “kafe”da 18 gr. “opiy”, 33 gr. “gashish”, 2 gr. “Mefedron” narkotik moddalari topildi.

Bu shaxslar “Telegram” orqali mijoz topib, narkotik moddalarni xufiya joylarga yashirib ketish orqali sotishgan.

Tadbir davomida 15 ta xufiya joyga sotish maqsadida 7 gr. “Mefedron” va 8 gr. “gashish” narkotik moddalari yashirilgani aniqlangan.

“Qonunbuzarlar jinoiy harakatlariga farg‘onalik kimyogarni ham jalb etishgan. Kimyogar elementlardan foydalangan holda giyohvandlik vositasini tayyorlagan”, – deyiladi xabarda.

Aniqlik kiritilishicha, narkotiklarni xufiya joylarga joylashtirish bilan esa Yuqori Chirchiq tumanida yashovchi shaxs shug‘ullangan.

• DXX
• Giyohvandlik