“Just Stop Oil” tabiatni muhofaza qilish jamiyatining 2 nafar a’zosi Londondagi Madam Tussauds muzeyidagi qirol Charlz IIIning mum haykaliga shokolatli tort chapladi.
Ularning maqsadi gaz va neftning qazib olinishini to‘xtatish kerakligini tushuntirish bo‘lgan.
Surishtiruvlar natijasida mazkur ikki fuqaro – Glazgolik Eylid Makfadden va Sanderlendlik dekorativ rassom Tom Jonson ekanligi aniqlandi.
“Talab oddiy: neft va gaz qazib olinshi to‘xtatish. Biz shu yerdamiz, chunki biz erkinliklarimiz va huquqlarimizni himoya qilishga, barchamizga tegishli bo‘lga bu yashil va yoqimli yerimizni himoya qilishga intilamiz – bu bizning merosimiz! ”, dedi ishtirokchilar.
Ma’lumot uchun, Buyuk Britaniya yaqinda neft va gaz kompaniyalariga dengizda yangi yoqilg‘i o‘choqlarini qidirishga yana litsenziyalar bera boshladi. Bu esa tabiat muhofazasi faollarida norozilik keltirib chiqarmoqda.
Ilgariroq, ayni shu jamiyat boshqa a’zolari ijodkor Van Gogga tegishli bo‘lgan “Kungaboqar” asariga pomidor aralashmasi sepishgan edi. Ularning muddaosi tabiat muhofazasiga bo‘lgan e’tiborni ko‘paytirish edi.
Shuningdek, bir nechta ekofaollar taniqli rassom Monening “Pichan gʻarami” asarini kartoshka pyuresi bilan “bejab qoʻygani” haqida ham xabar bergan edik.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!