Kecha, 23-oktyabr kuni “So‘nggi avlod” iqlimni muhofaza qilish harakatining 2 ta a’zosi Germaniyaning Potsdam shahrida rassom Klod Monega tegishli, qiymati 111 million dollarga teng bo‘lgan “Pichan gʻarami” nomli san’at asariga kartoshka pyuresi uloqtirishdi. Ularning maqsadi dunyo miqyosida, hammani iqlim muammolariga e’tiborini jalb qilish bo‘lgan, deyiladi mahalliy nashrlar xabarida.

“Bizda iqlim falokati yuz bermoqda va siz esa kartoshka pyuresi yoki pomidor aralashmasi bilan bo‘yalgan san’at asariga ko‘proq qayg‘urmoqdasiz”, dedi ishtirokchilarning biri.

Ular mazkur harakatdan so‘ng qo‘llarini ramziy ma’noda, devorga yelim bilan yopishtirishdi.

Shuningdek, uning ta’kidlashicha, 2050-yilda odamlar hatto o‘z oilalarini ham boqa olmasliklari mumkin.

Muzey xodimini san’at asari qay darajada zarar ko‘rgani hozircha aniqlanmagan. U rasm oyna bilan himoyalanganini aytdi. Biroq, ekofaollarning harakati evaziga rasmga biroz bo‘lsa-da zarar yetgan bo‘lishi mumkin.

Ma’lumot uchun, bu rasm 1890-yilga tegishli bo‘lib, yuqorida ta’kidlanganidek, uning qiymati 111 million dollarga teng.

• Ekologiya
• Germaniya
• San’at