Eldor Shomurodov “Roma” klubning Isroildagi yigʻiniga chaqirilmadi. Mazkur yigʻindan Eldordan tashqari Jordan Veretu va Karlos Pereslar ham chetda qolishi maʼlum boʻlgan. 

Oʻzbekistonlik futbolchining agenti, ProSports Management vakili Qahhor Moʻminov ushbu vaziyatga oʻz mijozining boshqa klubga oʻtishi mumkinligi haqidagi xabar bilan izoh berdi.

“Eldor boshqa klubga oʻtish arafasida ekanligi tufayli “Tottenxem” bilan oʻyinga bormadi. Ushbu jarayon transfer yoki ijara koʻrinishida boʻladimi? Bu savolni “Roma” klubiga bergan maʼqulroq”, – deydi Qahhor Moʻminov.

Avvalroq, Eldor Shomurodovning “Roma”dan ketishi haqidagi xabarlar tarqalgan edi. Shomurodovning agenti esa futbolchi hozirda “Roma” oʻyinchisi ekanligini, qolgan barcha gaplar matbuotdagi taxminlar ekanini taʼkidlagandi.

• Eldor Shomurodov
• Futbol