Joriy yilning 2-sentyabr kuni ijtimoiy tarmoqlarda Ellikqal’a tumanida qizlarning janjallashganligi aks ettirilgan video tarqaldi. Respublika Oila va xotin-qizlar qo‘mitasi axborot xizmati holat yuzasidan qo‘shimcha ma’lumot berdi.

O‘rganish natijasida mazkur video Qoraqalpog‘iston Respublikasi   Ellikqal’a tumani Markaziy dehqon bozori hududida sodir  bo‘lganligi aniqlangan. Ellikqal’a tumanida yashovchi 2005-yilda tug‘ilgan voyaga etmagan fuqaro Sh.L, 2002-yilda tug‘ilgan fuqaro B.Z ning nomidan instagramm sotsial tarmog‘ida akkaunt ochib, uning nomidan kirib yurganligi sababli ular orasida janjal kelib chiqqan.

Mazkur holat bo‘yicha Qoraqalpog‘iston Respublikasi Oila va xotin-qizlar qo‘mitasi raisi M.Axmedova, Qoraqalpog‘iston Respublikasi IIV Huquqbuzarliklar Profilaktikasi Boshqarma boshlig‘i o‘rinbosari T.Qarlibaeva tomonidan atroflicha o‘rganilib chiqilgan va mahalla xodimlari bilan birgalikda voqea ishtirokchilari hamda ularning ota-onalariga tushuntirish targ‘ibot ishlari olib borilgan.

Ushbu holat bo‘yicha Ellikqal’a tuman IIB huzuridagi Tergov guruhi tomonidan tergovga qadar surishtiruv ishlari davom etmoqda.

• Qoraqalpog‘iston
• Samosud