Jonni Depp va uning sobiq rafiqasi Ember Xerd oʻrtasidagi sud ishi yakunlangani, Ember Xerdning aktyorga tuhmat qilgani isbotlangani haqida xabar bergan edik. Sud Ember Xerdning Jonni Deppga yetkazgan maʼnaviy zarari uchun unga 15 million dollar miqdorida badal toʻlashni belgilab qoʻydi.

Aktrisa esa maʼnaviy zararni qoplab berish uchun puli yoʻqligini maʼlum qildi.

Ijodkorning advokati mijozining ayni vaqtda badalni toʻlab berishga imkoniyati yoʻqligini aytib, uning sudda yutqazishiga aktrisani salbiy qahramon sifatida koʻrsatib qoʻyishgani, Jonni Deppning aybdorligini isbotlashi mumkin boʻlgan dalillarni suddan yashirishgani sabab boʻlganini qoʻshimcha qildi.

Jonni Depp aybsiz deb tan olingan boʻlsa-da uning ham sobiq rafiqasiga 2 million AQSh dollari miqdorida badal toʻlashi belgilab berilgan.

Ember Xerd sud qaroridan norozi ekani va u taqdim etgan dalillar sobiq turmush oʻrtogʻiga qarshi turish uchun yetarli boʻlmaganini taʼkidlab oʻtgan.

• Ajrim
• Kino
• Sud
• mashhurlar