Vazirlar Mahkamasining “Avtomobil tarixi” ma’lumotlarini taqdim etish bo‘yicha davlat xizmatini ko‘rsatishning ma’muriy reglamentini tasdiqlash to‘g‘risida”gi qarori loyihasi e’lon qilindi.

Unga ko‘ra, 2022-yilning 1-yanvaridan boshlab “avtomobil tarixi” ma’lumotlarini shartnomaviy asosda Davlat xizmatlari markazlari, Yagona interaktiv davlat xizmatlari portali yoki veb-saytlar va ularning ilovalari orqali aniqlash bo‘yicha davlat xizmatini yo‘lga qo‘yish rejalashtirilmoqda.

 Ma’lumot uchun, avtomobil tarixi quyidagi ma’lumotlarni o‘z ichiga oladi:

- davlat ro‘yxatidan o‘tkazilgan sanasi;
- yurgan masofasi;
- fuqarolik-huquqiy shartnomalar tuzilganligi;
- yo‘l-transport hodisasi sodir etilganligi va boshqalar.
 
Xizmat uchun BHMning 20 foizi (YAIDXP orqali mustaqil murojaat qilinganda – mazkur summaning 90 foizi) miqdorida yig‘im undiriladi.

Loyiha o‘zgartirilishi, unga qo‘shimcha kiritilishi yoki rad etilishi mumkin.

• Avto
• Avtomobil
• Loyiha
• O‘zbekiston
• Qaror