Kecha ijtimoiy tarmoqlardagi videoda er “izlab” ko‘chada yurgan qizning harakatlariga nisbatan Oila va xotin qizlar boshqarmasi rasmiy munosabat bildirdi. 

Ma’lum bo‘lishicha, tarqalgan videodagi qiz  Namangan viloyati Davlatobod tumani “Navbahor” mahallasida yashovchi, 2007-yilda tug‘ilgan voyaga yetmagan D.R. Yangi Namangan tumanidagi go‘zallik saloni xodimlari tomonidan salon mijozlari va kanalidagi obunachilarining sonini ko‘paytirish maqsadida olingan ushbu harakatlarni amalga oshirgan.

Oila va xotin qizlar boshqarmasi ushbu holatda salon xodimlarini jamiyatda o‘rnatilgan qoidalarni mensimaslik, qolaversa, turli maqsadlar yo‘lida voyaga yetmagan shaxsdan foydalanish, odamlarning fikrini manipulyatsiya qilish, chalg‘itish sifatida  jamoatchilikning o‘rinli e’tirozlariga sabab bo‘lishda ayblagan.

Xabar berilishicha, hozirda holat yuzasidan mas’ul idoralar vakillari  tomonidan tegishli tartibda hujjatlar rasmiylashtirilib, surishtiruv ishlari olib borilmoqda.

• Namangan
• Oila
• Xotin-qizlar