O‘zbekiston rahbarining 2023-yil 16-fevraldagi PQ–59-son qarorida belgilangan vazifalar ijrosi doirasida Navoiy shahrida aholiga sifatli jamoat transporti xizmati ko‘rsatishni yo‘lga qo‘yish bo‘yicha tegishli chora-tadbirlar o‘tkazilmoqda.

1-bosqichda joriy yilning aprel oyida Xitoydan olib kelingan 18 dona zamonaviy avtobuslarning “Navoiy” avtovokzali – viloyat Avtoyo‘l boshqarmasi” va Tinchlik qo‘rg‘oni – “Malika” avtostansiyasi yo‘nalishida brutto-shartnoma asosida qatnovi yo‘lga qo‘yilgan edi.

2-bosqich doirasida 8-iyun kuni viloyatga 42 dona Yutong avtobuslari olib kelindi.

Mazkur avtobuslarning Karmana tumani markazi va Navoiy shahri barcha ko‘chalarini qamrab oluvchi yo‘nalishlarda harakatlanishi tashkil etiladi.

• Avtobus
• Navoiy
• Transport vazirligi