“Manchester Yunayted” murabbiyi “Manchester Siti” bilan o‘yinga (3:6) sarhisob qildi.

“Bu juda oddiy: bizda o‘zimizga ishonch yo‘q edi. Ishonmasangiz, g‘alaba qozona olmaysiz va bu qabul qilinishi mumkin emas. Rejani amalga oshirishda bizda intizom yetishmadi va biz jazolandik.

Bizda tashabbus yo‘qligi, to‘p bilan yetarlicha dadil ishlamaganimiz, erkin zonalardan foydalanmaganimiz meni hayratda qoldirdi. Biz “Man Siti”ga tan berishimiz kerak, ammo bu raqib har tarafdan ustun degani emas, balki o‘zimiz yetarlicha o‘yin ko‘rsata olmaganimiz edi. Gap shundaki, biz o‘zimizga ishonmadik.

Men buni birinchi daqiqalardanoq his qildim va tanaffusda o‘zgarishlar qildim. Bizning munosabatimiz o‘zgardi va bu tanaffusdan keyin ma’lum bo‘ldi. Gol urdik, vaziyatlar yaratdik, jasurroq edik. Maydon o‘rtasidan o‘tib, uchta gol urishga muvaffaq bo‘ldik.

Endi men uchun ijobiy narsalar haqida o‘ylash qiyin. Biz muxlislarni tushkunlikka tushirdik, o‘zimizni tushkunlikka tushirdik va bundan hafsalamiz pir bo‘ldi”, – dedi “Manchester Yunayted” bosh murabbiyi.

• Futbol
• Manchester Siti
• Manchester Yunayted