“Manchester Siti”ning norvegiyalik hujumchisi Erling Xoland APLning 28-turidan oʻrin olgan “Vest Xem”ga qarshi qoldirilgan oʻyinda (3:0) gol urdi.

Bu toʻp norvegiyalik uchun joriy mavsumdagi 35-gol boʻldi. Shu tariqa, u bir mavsumda urilgan gollar soni boʻyicha Angliya chempionati oliy divizionining mutlaq rekordchisiga aylandi.

Xoland 1993/1994-yilgi mavsumda 40 ta oʻyinda 34 ta gol urgan Endi Koul va 1994/1995-yilgi mavsumda 34 ta gol urgan Alan Shirerning rekordini yangiladi.

Qayd etish mumkin, norvegiyalik futbolchi joriy mavsum milliy chempionat doirasida 31 ta oʻyinda maydonga tushgan. “Manchester Siti” mavsum yakuniga qadar APLda yana beshta uchrashuv oʻtkazadi.

• APL
• Futbol
• Xoland