Eski haydovchilik guvohnomasini almashtirish muddati uzaytirildi. Bu haqda Davlat xizmatlari agentligi Matbuot xizmati ma’lum qildi.

Xabarda aytilishicha, kecha, 17-noyabr kuni “Milliy haydovchilik guvohnomasining hamda avtomototransport vositasi ro‘yxatdan o‘tkazilganligi to‘g‘risidagi guvohnomaning yangi namunalarini joriy etish chora-tadbirlari to‘g‘risida to‘g‘risida”gi Hukumat qaroriga o‘zgartirishlar kiritilgan.

Kiritilgan o‘zgartirishlarga ko‘ra, eski haydovchilik guvohnomalari quyidagi muddatlarda yangisiga majburiy almashtiriladi:

– 2010-yilgacha berilganlari – 2022-yil 31-martgacha;
– 2010 – 2020-yillarda berilganlari – 2022-yil 30-iyungacha;
– 2013 – 2015-yillarda berilganlari – 2022-yil sentyabrgacha;
– 2015-yildan keyin berilganlari – 2022-yil 31-dekabrgacha.

Eslatib o‘tamiz, ilgari 2021-yil 31-dekabrgacha almashtirish majburiy edi.

Yuqoridagi muddatlargacha almashtirilmagan guvohnomalar haqiqiy emas deb hisoblanadi.

• Avtomobil
• Qaror