Oʻzbekistonning AQShdagi elchisi J.Vaxabov Facebook kompaniyasi boʻlimi direktori Endi OʻKonnell bilan uchrashib, hamkorlik aloqalarini oʻrnatish istiqbollarini muhokama qildi.

Keltirilishicha, internetda, xususan, Facebook, Instagram va WhatsApp platformalari orqali ekstremizm va radikallashuvning oldini olish boʻyicha hamkorlikka alohida eʼtibor qaratilgan.

OʻKonnell Oʻzbekistonda davlat idoralari ochiqligi va soʻz erkinligini taʼminlashga qaratilgan chora-tadbirlarni yuqori baholagan. Uning soʻzlariga koʻra, Amerika kompaniyasi Sh.Mirziyoyevdan mamlakatdagi Facebook platformasi va boshqa platformalarning uzluksiz ishlashini taʼminlashga qoʻshgan shaxsiy hissasi uchun minnatdor.

Bundan tashqari, Facebook AT-mutaxassislarini tayyorlashda yordam berishga tayyorligini bildirgan va Oʻzbekistondagi har bir qiziquvchi talaba maxsus yaratilgan veb-sahifa orqali amaliyot oʻtash uchun ariza topshirishi mumkinligi maʼlum qilingan.

• Hamkorlik
• Mirziyoyev
• O‘zbekiston