Iordaniya Qurolli kuchlari G‘azo sektoriga insonparvarlik yordami yetkazganini ma’lum qildi, deya xabar berdi “Anadolu” agentligi.

Ijtimoiy tarmoq va ommaviy axborot vositalari orqali namoyish qilingan tasvirlarda to‘rt samolyotdan dengizga gumanitar yordam tushirilganini ko‘rish mumkin.Minglab falastinliklar yordam olish umidida eksklavning janubiy qismi qirg‘og‘i tomon kela boshlagan. Aholining bir qismi suzish, kimlardir baliq ovlash qayig‘i yordamida oziq-ovqat va boshqa mahsulot, buyumlarni olishga harakat qilgan.

2,3 million aholiga ega G‘azo sektori aholisi gumanitar falokatga duch kelmoqda.

Xalqaro tashkilotlar va BMT institutlari ocharchilik, suv va gigiyena vositalari yetishmovchiligi ortidan turli kasalliklar kelib chiqayotganini ta’kidlab, G‘azoda o‘t ochishni to‘xtatish, mintaqaga insonparvarlik yordami oqimini oshirishga chaqirmoqda.

• Iordaniya
• Samolyot
• dengiz