Farg‘ona viloyati Farg‘ona shahrida noqonuniy diniy saboq bergan shaxs jarimaga tortildi. Bu haqida viloyat Ichki ishlar boshqarmasi xabar bermoqda.
Ma’lum qilinishicha, 2-aprel kuni viloyat IIB terrorizm va ekstremizmga qarshi kurashish boshqarmasi va Farg‘ona shahar IIO FMB terrorizm va ekstremizga qarshi kurashish bo‘limi hamkorligida tezkor tadbir o‘tkazilgan. Tadbir davomida noqonuniy diniy saboq berish holati fosh etilgan. Farg‘ona shahrida joylashgan o‘quv markazlaridan birida arab tilidan dars beruvchi T.M. ismli fuqaro (ayol) jami 19 nafar o‘quvchiga (8 nafari voyaga yetmagan) diniy ta’lim berayotgani aniqlangan. 8 dona maxsus galagrammalarga ega bo‘lmagan o‘quv qo‘llanmalari daliliy ashyo tariqasida olingan.
Holat yuzasidan fuqaro T.M. ga nisbatan to‘plangan hujjatlar tegishli tartibda jinoyat ishlari bo‘yicha Farg‘ona shahar sudiga taqdim etilgan. Sud tomonidan unga bazaviy hisoblash miqdorining 7 baravari miqdorida jarima jazosi tayinlangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!