So‘nggi kunlarda “Manchester Siti” vingeri Ferrran Torresning “Barselona”ga o‘tishi haqida turli mish-mishlar tarqalmoqda. 

Ispan matbuoti xabariga ko‘ra, futbolchining o‘zi “shaharliklar” rahbariyatidan muzokaralarga rozi bo‘lishni so‘ragan. Kataloniya klubida bu holat bo‘yicha izoh berildi.

“Ko‘k-anorranglilar” vitse-prezidenti Rafa Yuste Diario Sport bilan suhbatda ushbu shartnomani rasman ro‘yxatdan o‘tkazish jarayoni haqiqatda ham boshlanganini tasdiqladi.

“Ferran aql bovar qilmas darajada kuchli futbolchi. Biz bu kabi futbolchilarning jamoamizga o‘tishini xohlaymiz.  Biz ayni dam “shaharliklar” bilan yaxshi munosabatdamiz, keling, hammasi qanday kechishini oxirigacha kuzatamiz”, deydi Yuste. 

E’tiborlisi, ushbu transfer yanvar oyida amalga oshishi mumkin.

• Futbol
• Xorij