Filippin janubida ko‘chki oqibatida 110 kishi bedarak yo‘qolgan. Bu haqda “NTD” telekanali xabar berdi.

Qayd etilishicha, ko‘chki Mindanao orolidagi Davao-de-Oro provinsiyasidagi tog‘li Masara qishlog‘ida sodir bo‘lgan.

Bir necha kun oldin tuproq massalari turar joy binolari va ikkita avtobusni ko‘mib tashlagan. 11 kishi halok bo‘lgani tasdiqlangan. Yana 31 kishi jarohat olgan. Dastlab 40 kishi bedarak yo‘qolganligi xabar qilingan bo‘lsa, keyin esa ularning soni ikki baravar ko‘paygan. Ular orasida ko‘chki sodir bo‘lgan paytda uylariga ketishga hozirlik ko‘rayotgan avtobuslarda bo‘lgan kon ishchilari ham bo‘lgan. Ulardan bir qanchasi derazadan sakrab, qochib qutulib qolishga muvaffaq bo‘lgan.

Voqea joyida qutqaruvchilar ishlarini davom ettirmoqda. Ularga harbiy xizmatchilar va ko‘ngillilar yordam bermoqda.

• Filippin
• Harbiy
• ko‘chki