Finlandiyada Tesla avtomobili sohibi bo‘lgan odam o‘z mashinasini portlatib yubordi.

Gap shundaki, elektromobil sohibi mashinadan ko‘ngli qolganidan shu yo‘l bilan undan qutulishni o‘ylagan. Muammo uning mashinasi bort ekranida avtomobil buzilgani haqidagi xabar chiqqanidan so‘ng boshlangan. Shundan so‘ng mashina egasi uni evakuatorda servis markaziga eltadi.

Avtomobilning akkumulyatori buzilgani ma’lum bo‘ladi, biroq Tesla Model S‘ning ishlab chiqarilganiga 8 yildan oshiq muddat bo‘lgani tufayli, garantiya bo‘yicha ham batareyani almashtirishning iloji bo‘lmagan.

Yangi batareya avtomobil sohibiga 20 ming yevroga tushishi mumkin edi, biroq finn bunday katta pulni sarflashni istamagan. Shundan so‘ng u bir necha blogerlar bilan birgalikda avtomobildan qutilishning antiqa yo‘lini topadi. Ular tashlandiq konda Tesla‘ning ichiga o‘z yaratuvchisining manekenini solib, ikkisini portlatib yuborishdi.

• Ilon_Mask
• Tesla