Finlyandiya Shimoliy Atlantika Shartnomasi Tashkilotiga (NATO) qo‘shilish qarorini rasman e’lon qildi. Bu haqda hukumat qarorida aytib o'tilgan.

“Finlyandiya parlament bilan maslahatlashuvlardan so‘ng Shimoliy Atlantika Shartnomasi Tashkilotiga (NATO) a’zo bo‘lish uchun ariza beradi”, – deyiladi bayonotda.

Qayd etilishicha, ertaga, 16 may kuni mamlakat rasmiylarining yig‘ilishi bo‘lib o‘tadi va ovoz berish, ehtimol, seshanba kuni o‘tkaziladi. Tashqi ishlar vaziri Pekka Haavisto avvalroq ariza 17 may kuni NATO'ning Bryusseldagi qarorgohiga yuborilishini aytgan edi.

Finlyandiya va Shvesiya Rossiyaning Ukrainadagi harbiy amaliyoti fonida uzoq vaqt davom etgan betaraflikdan voz kechish va NATO'ga qo‘shilish haqida gapira boshladi. Tashkilot rahbari Yens Stoltenbergning qayd etishicha, tashkilot bu qarorni olqishlaydi va yangi a’zolar uchun integrasiya jarayonini tezlashtirishga tayyor.

Kecha, 14 may kuni Kreml Finlyandiya prezidenti Sauli Niinistyo va Rossiya rahbari Vladimir Putinning telefon suhbati haqida xabar berdi. 

Putinning matbuot kotibi Dmitriy Peskov avvalroq Moskva Finlyandiyaning NATO a’zoligiga qabul qilinishini ekzistensial qabul qilib bo‘lmasligi va alyansni hujumkor harbiy blok, deb bilishini ma’lum qilgan edi.

• Finlandiya
• NATO
• Putin
• Rossiya