Fransiyaning Montoulier kommunasida yashovchi fuqaro iti bilan sayr qilib yurib, tasodifan 70 million yil avval nobud bo‘lgan titanozavr qoldiqlarini topib oldi. Bu haqda “MIR24” xabar berdi.

25 yoshli Damien Boschettoning so‘zlariga ko‘ra, u qoya chetida katta suyaklarni payqagan va u yerga qo‘shni Kruzi shahridan arxeolog va paleontologlarni taklif qilgan. Mutaxassislar yer ostida butun bir titanozavrning boshqa qoldiqlari borligini aniqlashdi. Olimlarning fikriga ko‘ra, uning uzunligi to‘qqiz metrga yetgan va suyaklari 70% saqlanib qolgan.

Boschetto va arxeologlar topilmani vandallardan himoya qilish uchun ikki yil davomida yashirgan. Demyen titanozavrni o‘rganishga shunchalik ishtiyoqmand bo‘ldiki, u energetika sohasida ishlashni to‘xtatdi va endi paleontologiya bo‘yicha magistr darajasini olishni rejalashtirmoqda, deb yozadi “Newsweek”.

• Fransiya
• titanozavr