Ayni dam nufuzli turnirining birinchi bosqichi (7–14 fevral) Germaniyaning Vayssenxaus shahrida bo‘lib o‘tmoqda.

Iste’dodli o‘zbekistonlik grossmeyster Javohir Sindarov 1/4 finalda amerikalik Xikaru Nakamuraga qarshi tay-brekning hal qiluvchi ikkinchi partiyasini o‘tkazdi.

Ushbu bosqichning asosiy ikki uchrashuvida durang natija qayd etilgan edi. Tay-brekning birinchi uchrashuvida qora donalarda o‘ynaganiga qaramay, Sindarov g‘alaba qozondi. Ikkinchi partiyani oq donalarda o‘tkazgan shaxmatchi kambek evaziga yana g‘alaba qozondi.

Shu tariqa, amerikalik nomdor grossmeyster Xikaru Nakamura (dunyo shaxmat reytingida 3-o‘rinda)ni murakkab kechgan qarama-qarshilikda mag‘lubiyatga uchratgan Javohir Sindarov mukofot jamg‘armasi 750 ming AQSh dollarini tashkil etuvchi Freestyle Chess Grand Slam turnirining yarim finaliga yo‘l oldi.

Bu bosqichda Sindarov boshqa bir amerikalik grossmeyster Fabiano Karuana (dunyo shaxmat reytingida 2-o‘rinda)ga qarshi dona suradi.

• Germaniya
• Shaxmat
• turnir