Birnechta fuqarolarni AQSh, Fransiya va Kanadaga yuborishni va’da qilganlar aniqlandi.
Bu haqda Iqtisodiy jinoyatlarga qarshi kurashish departamenti xabar berdi.
Qayd etilishicha, Departamentning Chilonzor tuman bo‘limi tomonidan DXX xodimlari bilan hamkorlikda tezkor tadbir o‘tkazilgan. Unda uch nafar fuqaro Sh.Sh.ga tanishlari yordamida Yevropa davlatlari orqali AQShga yuborishi va viza hujjatlarini rasmiylashtirib berishlarini va’da qilgan. 32 000 AQSh dollarni olayotgan vaqtida esa dalillar bilan ushlangan.
Shuningdek, tekshiruvda fuqaro O.Z. fuqaro Sh.F.ni va uning oila a’zolarini Fransiya davlatiga borishlari uchun viza hujjatlarini olib berishni va’da qilgan. Natijada 3 900 AQSh dollarini o‘zining viza kartasiga o‘tkazib olganligi aniqlangan.
Shu kabi holat Oqdaryo tumanida ham tezkor tadbir vaqtida aniqlangan. Ya’ni, uch nafar fuqaro R.M.ni tanishlari yordamida 7 000 AQSh dollari evaziga Kanada davlatiga ishga yuborishini va’da qilgan. Oldindan 1 500 AQSh dollari va 600 ming so‘mni olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!