O‘zbekistonda o‘tkazilgan futzal bo‘yicha Jahon chempionatining finali kecha, 6-oktyabr kuni bo‘lib o‘tdi. Unda ikkita Janubiy Amerika mamlakatlari Braziliya hamda Argentina jamoalari o‘zaro bellashdi.

Mazkur uchrashuvning 6-daqiqasida Braziliya hisobni ochdi. Gol muallifi — Ferrao. 12-daqiqada Rafael hisobni 2:0 ko‘rinishiga olib keldi. Birinchi bo‘lim shu hisobda yakuniga yetdi.

Ikkinchi bo‘lim yakunlanishiga 3 daqiqa qolganda Argentina vakili Matias Rosa hisobni qisqartirdi. Shundan so‘ng, o‘yinda boshqa hisob o‘zgarmadi va braziliyaliklarning g‘alabasi bilan yakunlandi.

Shu tariqa, Braziliya 6-bor bosh sovrinni qo‘lga kiritdi.

• Argentina
• Braziliya
• Futzal
• Jahon chempionati