O‘zbekiston futzal terma jamoasi Osiyo kubogi “C” guruhi 3-turida “Indonesia Arena”da Yaponiya terma jamoasiga qarshi maydonga tushib, 1:2 hisobida mag‘lubiyatga uchradi.

Uchrashuvda hisobni dastlab O‘zbekiston terma jamoasi vakillari ochgan bo‘lsa-da, ikkinchi bo‘limning 30 va 37-daqiqalarida  yaponlar tomonidan kiritilgan ikki gol uchrashuv taqdirini hal qildi.

Shu tariqa, Yaponiya guruh bosqichining barcha o‘yinlarida g‘alaba qozonib, 9 ochko jamg‘argan holda pley-off bosqichiga yo‘llanma oldi. O‘zbekiston terma jamoasi esa 4 ochko bilan guruhda ikkinchi o‘rin sohibi sifatida 1/4 finalga chiqdi.

Bugun 1:1 hisobida durrang o‘ynagan Tojikiston (2 ochko)  va Avstraliya (1 ochko) terma jamoalari esa musobaqa bilan xayrlashdi.

• Futzal
• Osiyo kubogi
• O‘zbekiston